-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

مايسة إمام .. نص " ابو كف رقيق و صغير " - مجلة العربي الأدبية




" أبو كف رقيق وصغير "



كتبت مايسة إمام :

ياأبو كف رقيق وصغير.......

وعيون مليانة.......... شقاوة

مد إيدك.......... خطي واكبر

كل يوم .........بتزيد غلاوة

صبح ليل.......... بحبك أكثر 


افتكرني يوم ماتكبر..........

واعرف إني... صبحت أكبر

وإن عود شبابي شاخ.........

وحيلي نخ .........ودا المقدر 


افتكر حواديت زمان ......

قبل نومك............ بها تؤمر

تبقي فيها .....أمير وفارس

أو قائد مغوار............ يحرر

افتكر يوم ماكان كفي أقوى 

يسندك وبحضنه......... تقوى 

مستناش تيجي .....وتشكر


يوم ماتزهق من كلامي

وشيب علامي.....

افتكر. ....إن علمتك تفكر

وإن كنت بقرالك بكره وأنور

اتهجالي حرف زمنك بشويش

زي ماكنت بتهجى....... وأكرر 

متسبنيش في بيره أغرق......

أو أتوه وأنا مش مصدق.......

إن هبقى في لحظة يوسف

يوم مارموه..من غير ما يفرق 


افتكر ضعفك وعجزك..........

يوم ماعجزي في يوم يمسك

وتضيق به وتقول........... بيكتر

بيقيدني .............بقيد مجنزر 

يوم ما تلاقي في إيدي رعشة

والعيون بقى فيها ........رمشه 

والخطوة .........تكسرها قشة.

هات لي مارد .......ييجي يظهر  

ويقولي..................... شبيك لبيك

تحت أمرك.............. اطلب أؤمر 


ابتسم وأقوله ..............سمي

سمي .....صلي..... قول ....وكبر

ع اللي كان.............في يوم زمان

فرع صغير. ........ عوده أخضر

ع اللي كان........... في يوم زمان 

كفه رقيق أوي ..........وصغير 

ع اللي صبح عفي وكمان. ...

قلبه علي .........بيقوى يكسر 

************************

مايسة إمام 

  مجلة العربي الأدبية 

   

مايسة إمام .. نص " ابو كف رقيق وصغير "

التعليقات



جميع الحقوق محفوظة

مجلة العربي الأدبية

2022