-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. ناصر دويدار .. نص " هي لطشه " -مجلة العربي الأدبية


"هي لطشه "


كتب أ. ناصر دويدار :

 هي لطشه...

لطشه بس...

بنت تغرز دمها ف دمك بنظره

معلقة سكر ف شاي

ناي بيسرح حبه حبه ف عمر راح

عمر جاي


هي لطشه


غنوه.....رقصه


صوره من ريحة زمان

لقطه

محفوظه ف برواز الأمان


ناس عزاز


تلمح البالطو


وكرافته 


ونضاره إزاز


جيبه كات


وفخد بض

ووش لسه مصلي عصر


بنت تتصور بشعر

هي لطشه


الحياه


لطشه و بس


دنيا من بلكونه


ساعه العصر


بتنشر غسيل


فرسه تجري عالنجيل

كبرياء طرح النخيل

واد ف برج 


بيطير حمام


ف الهوا الطري،العليل


هي لطشه


خدها وش


ف إيد ورجل


خدها زي ماترسي دق لها


الحياه


محتاجه بني آدمين


ماهيش،عايزه لملايكه

تعذب شياطين

فنانين


مؤمنين بالله


الخالق العظيم


هي لطشه


أتلطشها ....


المجد للمجانين!!!!!

 أ. ناصر دويدار 

جمهورية مصر العربية

   مجلة العربي الأدبية 

ا. ناصر دويدار .. نص " هى لطشه "


التعليقات



جميع الحقوق محفوظة

مجلة العربي الأدبية

2022