-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. عادل عبد الموجود .. نص عامية " إليها وحدها " -مجلة العربي الأدبية


"إليها وحدها "


كتب أ. عادل عبد الموجود :

 إليها وحدها 


وليه افضل على الهامش

مادام ممكن يكون لى كيان

وانا الفاهم وانا الدارس

وعارف كيف اكون انسان

انا القادر على فهمك

واعانى من صدى وهمك 

ولما اتصبت من سهمك

بقيت ماضى كأنه ما كان


حاولت كتير اجيب مهرك

وأقدم من حشا قلبى

فلا هاقدر اشق البحر

ولا هاقدر اهز الكون

بساط الريح ماهوش واقع

عصا موسى سرقها قارون

مادام مش جاهزة تلقينى

منين تاخدى وتدينى ؟!

جراب العشق صار فاضى

ملامح بس على الفاضى

فلا بترضى ولا تراضى

ولا عشقك صبح مضمون

هاقول لك حاجة من نفسى

يا اغلى عندى من نفسى

هاقولها وزى ماترسى

ميزانك بالجحود مليان

ياضحكة كات لي بر امان 

وشيلانى فى بير نسيان

عنادك بالجراح معجون

بقيت أيوب بلا ناعسة 

تهم القوة جوايا 

عشان ماتهون 

بلاء الدنيا لو تقسى 

مراكب فرح وبتنسى

يمر الدهر كالعادة

وبرضه الفرح مابيرسى


أ.عادل عبد الموجود 

جمهورية مصر العربية 

   مجلة العربي الأدبية 

أ. عادل عبد الموجود .. نص عامية " إليها وحدها "




          

التعليقات



جميع الحقوق محفوظة

مجلة العربي الأدبية

2022