-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ.مدحت مكاوي .. نص عامية " وهم ولا حلم ولا واقع " -مجلة العربي الأدبية



"وهم ولا حلم ولا واقع "



كتب أ. مدحت مكاوي :

أنا كنت وكان

وكنتِ وكان

وكان ياما كان

وكنا زمان

في الحلم أمان

دلوقتي بقينا 

أنا وأنتِ 

في الصورة لوحدينا

من ساعة جدران الكهف 

ماترسمت بالألوان

من وقت الحبر ماخط 

علي البردي 

وحفظ الحواديت الأسطورة

من قبل ما نعرف حتي إله للكون

ولا مين كان سابق آدم 

إن كانوا ملوك للجن 

واللا ملايكة أو شياطين

دي الحكمة بتتشكل 

من أفواه المجانين

اللي مشيوا مهما طال 

وقت الرحيل

الحكاية في سلسلة 

من جيل لجيل 

اللي عشقوا واللي تابوا

واللي علي أمل التلاقي

لما يحشرهم كبير

أنت عارفة ياحبيبتي

الحياة بالقلب جنة

والتفكير احساس خطير

عقلنا مش راح يصدق

فوازير وألغاز كتير

والحقيقة مهما قالوا

يفضل السر في بير

والخلاصة اننا عايشين 

في وهم واللا حلم 

واللا واقع أبسطه

انه مرير 

أ. مدحت مكاوي 

جمهورية مصر العربية 

   مجلة العربي الأدبية 

أ. مدحت مكاوي .. نص عامية " وهم ولا حلم ولا واقع "


التعليقات



جميع الحقوق محفوظة

مجلة العربي الأدبية

2022