-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

ا. ناصر دويدار .. نص عامية " بعد هكذا و ثم " -مجلة العربي الأدبية



نص " بعد هكذا و ثم "



كتب ا. ناصر دويدار :

 ماعنديش سيوف علي حيطة الدار


ولا الحصان مربوط جوار الجمل


كل اللي عندى خير.....وجنة ونار


وحسن ظن بربنا....وشوال دقيق عبيته الأمل


يخبز رغيف زياده


يشبع اللي نطق بقلبه الشهاده

يطمن...بلال ....

وأصحاب الإراده


يمسح علي وش اليتيم


وعقد أركان العبادة


يكتمل


ورغيف يكفيك


صلي علي اللي حيشفع فيك


من زمن بيناديك


تضل.... بالآيات يهديك


تزعله ......يداديك


تسرق وتنهب وتظلم المخاليق


يعاتب فيك


سيدنا النبي طيب ومتسامح


ولما يغضب بيطلع الغضب


عذب ....أنفصل عن مالح


أهله أذوه

وعذبوه

طردوه


ونفوه


وكان حليم

 والحلم كان نخل الوداد طارح


سيدنا النبي زعلااااااان

 من وقت ماالمسلمين


بقوا.....مرار طافح


علي وش دنيا


متفرقين


غشاشين

كدابين

بره الزمن عايشين


وف حضن العدو....نايمين


ويتفتفوا ويثوروا

ويهيجوا

هياج الميتين

علي ميتين!!!

جيوبي فاضية 

ومعدتى خاوية


والمسلمين...


بيصعدوا ....للهاوية


مش جاى أندد

وأوعد الكفار


ولاجاى أخلص


دنيا م الأشرار


أنا جاى أقول


عريان جدار الدار


والأمة سهرانة ليلاتى ف بار


إزاى ياسُكرى

راح تشيل السيف


والغرب ...كمل لعبة التكتيف


والمسلمين غضبهم


وثوارتهم


وتنديدهم

وكرامتهم


جوه قعدة (كنيف)


صلي علي المصطفي ف قلبك

ودعنا آخر حجه سابنا ناس حره


بقينا أمه خيش

ولعبنا مع بعض لعبة التلطيش

وضعيف بياكل ضعيف

وف آخر الصفوف عرّه


مالك ومال النبي

ربنا بيحميه

مين اللي راح يأذيه؟!


إحنا آذينا سُنته وصحابه


مش أى كلب ينط ويهوهو

نطلق كلامنا عليه

ونحدفه بالطوب

لوكنا بنى آدمين مسلمين


ماكنوش الكلاب


 وقفوا علي باب العيوب


ونبحوا فيه


صلى عليه


أصل النبي زعلان من الأمه

والزيطه عالفاضى واللمه


من غير سلاح


بدون قوه


عمر النباح


ما يرجع الهمه


ورينى إيه حيحصل


بعد....هكذا...وثم!؟!؟!؟!؟

 ا. ناصر دويدار 

جمهورية مصر العربية 

   مجلة العربي الأدبية 

أ.ناصر دويدار .. نص عامية " بعد هكذا وثم "


التعليقات



جميع الحقوق محفوظة

مجلة العربي الأدبية

2022