-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. منى عبد الرحمن .. شعر عامية " صباح الخير " -مجلة العربي الأدبية


" صباح الخير "


كتبت أ. منى عبد الرحمن :

صباح عِريان

يحاول برضُه يِتْغَطَّىٰ

ويُستُر نَفْسُه بالأحلام

صباح أوْهَام

بيضحَك مِن وَرا قلبُه

وشايل ذَنب مش ذنبُه

صباح قَلقان

ومِتْوَغْوِش

وماسِك دِيل أمَل كدَّاب

وماشِي خَطوِتُه فِ سَراب

بِيحلَم يرسِم البَسمة

علىٰ شِفَّة بتِحكي الحُزن

ويحلِف راح يجِيب فرحَة

ويِمْلا بيها كَف الحُضن

صباح مَيَّاس

يقول كِلمة وَرا كِلمة

ويرجَع فِ الكلام كلُّه

نُورُه وضِلُّه

ويرسِم بالأغاني عُيون

تِبَان ضاحكَة لكن تِلمَة

ونَظرِتها هَبل وجنُون

بيضحَك بيها علىٰ عَقلي

يشاوِر قال ويِنْدَهْلي

أرُد عَلِيه؟ 

مَفيش فايْدَة

هَاقول بَرضُه صَباح الخِي

أ. مني عبد الرحمن 

جمهورية مصر العربية 

   مجلة العربي الأدبية 

ا. مني عبد الرحمن .. شعر عامية " صباح الخير "


التعليقات



جميع الحقوق محفوظة

مجلة العربي الأدبية

2022