-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. ناصر دويدار .. نص عامية " ممكن " -مجلة العربي الأدبية


نص" ممكن "


كتب أ. ناصر دويدار :

 ممكن ترجعوا لى مدرستى


وأبله (عليه)


وأول تخته فى الفصل


اللى قصاد الباب


ممكن ترجعوالى السبورة


المكتوبه عليها 


(قراءه)


وشمس بتسحف


على صدر بلاط بردان


فى يناير


وبلوفر صوف


عملته عمتى (نبويه)

(لسعيد ) أبنها عطهولى 


فى العيد


علشان نتقاسم سوى 


كرسى فى مسرح 


(سيد درويش)


نتفرج على فرقه بترقص


على مزيكا


(على أسماعيل)


على فكرة


سعيد مات مدبوح على عتبه حبه لمصر


قتلوه تجار الأعراض


وأراضى الدوله


مش عاوزه يعود


أنا عارف إنه فى نعيم جنه ربنا


أسعد منى


رغم بلوفره اللى مدفينى دلوقتى


ورغم خروجه من جنه مصر


مُدان


عريان


ممكن ؟


ترحموا فىّ عياط

من مُده

على شجره توت 

كانت بتميل على شباكى 


أجيب صحن أبيض


وألم التوت


ممكن؟

تجيبوا لى جزمه (باتا)


أخيطها


عند(على) ببلاش


علشان

أجيب أجوان


فى فريق البر التانى

سكنه التانى


ويقولى (يابيبو)


قطّع وأنا سداد


أبره وخيط

ممكن؟


تجيبوا مصر


اللى سرقتوها


وشحططوا عيالها

عشانها


وقللتوا من سمعتها فى بلاد الجاز


وخليتوا الأجرب


وأبو ديل ورا ضهره


والعريان


يشوفونا بعين عميا


أنا عاوز مصر


وحفضل أعيط 


أعيط


أعيط


لحد ماأشوفها


لو عضمه فى قُفه


لحد ماأشوف


أبله عليه


وشمس يناير


ومديحه

اللى اللى بتدينى


مربى التين


علشان ماأكتبش أسمها


ع السبوره


وحياه أغللى حاجه عندكوا


هاتوا مصر


أنا مفلوق... عيّاط

 ا. ناصر دويدار 

جمهورية مصر العربية 

   مجلة العربي الأدبية 

أ. ناصر دويدار .. نص عامية " ممكن "


التعليقات



جميع الحقوق محفوظة

مجلة العربي الأدبية

2022