-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. مجدي فرج عامر .. نص عامية " مع نفسي " -مجلة العربي الأدبية



نص " مع نفسي "


كتب أ. مجدي فرج عامر :

 مع نفسي وباحضن ندواتي 

وباعيش مع روحي الأمسيات 

وقناعتي بحلمي وكتاباتي 

والظن ان ف شعري سمات 

وباشارك وبارد عليه 

واناقشني وبانقدني ساعات

وبارص كراسي و١٠٠ رصه 

وبقعد نفسي علي منصه 

واتخيل مليون قدامي

 والفضائيات من حواليه 

ماسكين مايكات 

ما انا عمري ماكنت في يوم قله

 او ليه اشعار من غير مله 

والحرف النابض جويا

 لساه عايش ولا يوم كان مات 

والبحر بقاله ٢٠٠ شاعره 

ملكات للشعر وله أميرات 

وباحس اني بجد ف وحله 

وايامي الجايه ماهيش احلي 

فقفلت بيوت شعري عليه  

وكرهت التصوير بالكاميرات

وباكرم نفسي وباحضنها

   منا اصلا ما باعيش من دونها 

واعزف جوايا واغنيلها

  بالعود والارج وبكمنجات

كلمة تكريم فقدت لونها

  والرب اكيد يبقي في عونهاااا 

مين باقي ف مصر وما اتكرم

 انا حاخده في حضني ينام له ساعات

لو يصحي حيتكرم تاني 

وان عجبه الحضن اكيد حيبات

والاسبوع الجاي يتكرم 

اصل التكريم مش متحرم

ولا له قوانين ولا متجرم  

له درع كبير وكمان شهادت

وشهاده بتشهد لي كشاعر  


وفي اني خلاص اكبر شاعره 

ما انا ليه الحاضرين بتحيي

 وبكفوف الإيد تعلا السقفات

انا كده مبسوط جوه هدومي

 باعملها برااااح وابقي لوحدي 

والحلم اللي باشوفه في نومي

  دا لبكره كابوس والشعر اهو مات

واقعد جوايا وانا مقرفص  

وباخدني في فسحه علي شطوري

جوايا اتكلفت بحروفي   

واتدفي بكم من الكلمات

واناديني وباشكر في جنابي 

وبقدمني اما يكون دوري 

مفتتحي برباعية غلبي 

وقصيدةوبدياتها تفاؤل

 واخرها بشطر وفعلا مات 

أ. مجدي فرج عامر 

جمهورية مصر العربية 

   مجلة العربي الأدبية 


أ. مجدي فرج عامر .. نص عامية " مع نفسي "


التعليقات



جميع الحقوق محفوظة

مجلة العربي الأدبية

2022