نص " ياموت ياحزين "
كتب د. سعيد شحاته :
ومين فينا اللي قلبه يطاوعه ويعدي
....... ومين فينا اللي يقدر عينه ما تدمّعش
دموع بتعبي عين أهالينا وتفضّي
....... وكهف الموت موارب بابه ما اتشمّعش
يا موت يا حزين يا واخد ورد ومودّي
........ يا ريت بالراحه ع الفقرا وما تتقمّعش
بيوجعني الوجع لو كان على قدّي
.......... ويقتلني الكلام لو فات ولا اتجمّعش
سمعنا ضمير بيحيا وغيره بيصدّي
وشلنا على الكتاف حواديت
......................... كتابهم لسّه ما اتسمّعش
د. سعيد شحاته
جمهورية مصر العربية
مجلة العربي الأدبية
