" شعور الوحدة النهايات "
كتب أ. محمود عبد الرحمن :
ولسه القلب بيعافر ومش كافر بإني حعود
وان الضهر مش محني
وطيف الشعر يلمحني
وبيه ف الدنيا اكون مسنود
صحيح يمكن خريف العمر بيقرب وانا مجرب
شعور الوحده والنهايات
لكن عايش وبتنفس وحافضل فاكر البدايات
لقلب رسمته على توته
وكام قصة وحدوته
شعور اخضر بيتنطط وكان بيسابق النسمات
ملامح عصفورين طايرين
على غصن الأمل حطوا
بيتحاوطوا بغزل صافي براءة سنهم سايده
واسم البنت كان عايده وبطل القصة كان محمود
فيا موجود في احلامي
ماتيجي ف مرة تندهلي
ونلعب مرة محبوسة على قهوة سنين جايه
وتعزم قلبي ع المشاريب ياريت ماتغيب
بنيت في الحلم كام طوبة
وشايف الحنه منصوبه
وفاضل ع اللؤقا تكا
ده لو قلبك كسور عكا
عيوني جيوش ومبترحمش
ولو بحرك غريق قلبي
مُسجل إنه عدا المانش
أ. محمود عبد الرحمن
جمهورية مصر العربية
مجلة العربي الأدبية
