ناصر دويدار
يفتش في جماليات الغنوة المصرية
كتب أ. ناصر دويدار :
الحلقة الأولى
الغنوة دى سنه 72
أضعف غنوة في تاريخ رامى مع الست " أم كلثوم "
تحس انها غنوة مكتوبه لشهرزاد....ورده...فايزه احمد حاجه كده
حتى الجمهور بدأ يختلف ...الشعر الطويل....السوالف العريضه ..البدل الياقه العريضه
والتي شيرتات... والقمصان...تغيير كامل في بنيه المجتمع ...اختفي شكل وظهر شكل
هى محاولة رصد لتغيرات اجتماعيه ....مرايتها الفن الغنوة
ترمومتر الشعب...الفنانين
طبعا كلام له ريحه الشباب شفيق كامل وعبدالوهاب محمد مش عاوز اقول السطحية لكن ممكن اقول البساطه....بساطه شديده لكن اللفظه تساوى نفسها مفيهاش المجاز...التجلي...العليوى
ماخطرتش على بالك يوم تسأل عني
وعنيه مجافيها النوم يا مسهرني
دانا قلبي بيسألني إيه غير أحواله
ويقول لي بقى يعني ما خطرتش على باله
أمال غلاوة حبك فين وفين حنان قلبه عليا
وفين حلاوة قربك فين فين الوداد والحنيه
يا ناسيني وإنت على بالي
وخيالك ما يفارق عيني
ريحني واعطف على حالي
وارحمني من كتر ظنوني
لا عنيا بيهواها النوم
ولا باخطر على بالك يوم
إسأل عني.. يامسهرني
كلام عادى جدا اجتهد الشيخ سيد مكاوى ووجهه نظرى الشيخ سيد كان بيستخبي ورا كلام رامى لكن الكلام مش تقيل عشان كده اللحن طلع بيتكتك ...بيرتعش
إسأل عن اللى يقضي الليل
بين الأمل وبين الذكرى
ويصبر القلب المشغول
ويقول له نتقابل بكره
وبكره يفوت وبعده يفوت
ولا كلمه ولا مرسال
وهو العمر فيه كام يوم
وأنا بعدك عليا طال
يامسهر النوم فى عنيا
سهرت أفكاري وياك
الصبر ده مش بإديا
والشوق واخدني لبحر هواك
أقول لروحي وأنا ذنبي إيه
يقول لي قلبي حلمك عليه
مسيره بكره يعطف علينا
ونبقى نعرف هجرنا ليه
ياناسيني وإنت على بالي
وخيالك ما يفارق عيني
إسأل عنى يامسهرني
تعالى خلي نسيم الليل
على جناح الشوق يسري
الهجر طال والصبر قليل
والعمر ايامه بتجري
طالت الايام
ريحني واعطف على حالي
وارحمني من كتر ظنونى
لا عنيا بيهواها النوم
ولا باخطر على بالك يوم
شوف تحس رامى كبر...سنه كبر خلاص عذاب الحب هده..الحب هو كمان بيضعف..بيشيخ ...خلاص العاشق مابقتش الجمله تسعفه يلوم ويعاتب ويهجر ويجدد حبه ويناديها بعنف
رامى كان عدى السبعين يمكن فخلاص بقي الحصان هده السبق ومات القصبجى ومات عبده صالح والشطه والفلفل اللي كانت بتحلي الحب خلاص
عجيبه الحياه
وعجيب الحب
ناس كتير كانت بتقطع شراينها علي الحبيب بعد كده تشوفه تستغرب انا كنت بحب ده او دى
الحب كدبه بيخترعها كل واحد عشان الحياه لازم لها جدار وهمى...ايد خفيه...
يقيس الحب العظيم برامى وصل لمرحله ترهل في الغنوة دى
شوف...
تعالى لي قوام
دانا عندى كلام بدى اقوله لك
دانا عندى كلام
وفى قلبي هيام وفى قلبى هيام أوصفهولك
ياااااااه
تخيل بعد عنف الكلام في الحب اللي محدش كتب زيه في تاريخ الغنوة العربيه بيقول تعالي قوام
وعندى كلام
وفي قلبي هيام
بقولك الحصان نهج
ونعيش أيام ولا فى الاحلام...بعد ماكان مكسر الدنيا مشاعر..اتهد خلاص
ياناسيني وإنت على بالي
وخيالك ما يفارق عيني
ريحني واعطف على حالي
وارحمني من كتر ظنوني
لا عنيا بيهواها النوم
ولا باخطر على بالك يوم
إسأل عنى يامسهرني
طبعا دى وجهه نظرى المتواضعة في كلام سيدى وتاج راسي رامى
بس انا برصد تحولات لغه وسلوك وشكل ناس وشكل فن
دخلنا علي 73والانتصار العظيم ووهج الغنوة
وبعد كده
سلامتها ام حسن
والسح أدح امبو
#مصر حتفضل غنوة بتهزنا وترجعنا للحياه تانى
#مصر حتفضل الفن والشجن
وإختراع الحب!!!!
أ. ناصر دويدار
جمهورية مصر العربية
مجلة العربي الأدبية
