-->
مجلة العربي الأدبية مجلة العربي الأدبية
recent

آخر الأخبار

recent
recent
جاري التحميل ...
recent

أ. نفين يوسف .. نص عامية " الوردة "-مجلة العربي الأدبية



 قصيده "الوردة "


كتبت أ. نفين يوسف :

في يوم حلو وجميل. يوم زي انهارده

سهرانه انا بليل. وباصه من الفرنده

بصيت كده لبعيد. علي الارض لمحت ورده

لونها ابيض جميل. في الضلمه زي شمعه

قولت في بالي ياتري. هي من مين واقعه

طفل قطفها وجري. ووقعت من كتر السرعه

طب يمكن كانت في زياره. لحد مريض

وقدام العماره. وقعت كده من الايد

ولايمكن وقعت من الواد اللي شغال

هناك في محل الورد

وقعت وماخدش البال. وقعت منه علي الارض

والا هي من الاساس. طالعه من الجنينه شارده

هربانه من الناس. اللي ايديهم بارده

ماهو في ناس بتحب الورد

وناس قلوبها جامده

لابيتآثرو بورود. ولا بالوانها الحلوه

وجواهم برود وكأبه تملا الدنيا

مع ان هو الاصول. الورد ده احلي كلمه

بتدخل علي القلب تقول. الف غنوه وغنوه

وانا لو سآلوني اقول. كله من انهارده

يجري كده علي طول. يقدم لحبايبه ورده

ده الكلام بيطلع معسول. وانت في ايدك ورده

جرب وانسي كل حاجه. واسرح زيي انهارده

ده النفس ياناس محتاجه. الف ورده وورده

وفي عز ده كله. فكرت انزل اجيبها. 

وارجع اقول اسيبها. يمكن يرجع صاحبها

يلاقيها علي الارض شارده 

ويرن التليفون وافوق من السرحان

وفتح العيون. وارجع ابص في المكان

وافوق علي احلي صدمه. اتاريهاورقه فاضيه

مالهاش اي لازمه

واتاريني انا اللي بحلم 

اجيب لنفسي ورده

  أ. نفين يوسف 

 جمهورية مصر العربية 

   مجلة العربي الأدبية 

أ. نفين يوسف .. نص عامية " الوردة "


التعليقات



جميع الحقوق محفوظة

مجلة العربي الأدبية

2022