"من غير وعود "
كتب أ. وائل رشوان:
من غير وعود
صمت الشوارع والبيوت.
صوت السكوت.. همس الحارات
وشريط يعدي بـ ذكريات
وأنا حيلتي ايه غير الحروف
أهرب اليها مـن الغَارات....
من جوه جوف نَصيٍ الحزين
كان قلبي عاصي على الورق
مدبوح بيرقص م القلق
كل مـ يقلع توب حزين
بيزيد على جبينه العرق
من فوق صراطي المستقيم
حسي العقيم
بيسيب شيطان يرفع اذان من جوه جوف المأذنه
تراتيل جفون ناويه الهتاف
فـ الضحك مات... الضحك خاف
الضحك أعمىٰ لحد شاف
اول طريق مـ الملحمة
أ. وائل رشوان
جمهورية مصر العربية
مجلة العربي الأدبية
